【楊怡餵人奶】羅仲謙自爆掛住睇囡囡返工遲到 B女似足姑媽被叫做「臭臭豬」

羅仲謙今午宣布榮升爸爸，並張貼跟太太楊怡及新生囡囡的全家福，分享喜悅，見這位新手爸爸抱住囡囡的甜樣，已經冧豬豬。謙仔晚上繼續為劇集《陀槍師姐2020》開工，吸引大批傳媒到場採訪，謙仔透露囡囡本月16日出世，比預產期提早了十多日，暫時未改好名，留待長輩安排，他表示：「佢出世時細粒少少，所以叫小珍珠，我覺得似我家姐，（似你大眼靚女？）都似，不過長輩話唔讚得，其實真係好難，依家惟有叫佢臭臭豬、曳豬咁囉。不過的確係會好掛心，佢哋喺醫院嗰幾日，我每日開完工就即刻去探佢哋，係攰啲但都好值得。」

相關新聞：【恭喜】楊怡早產生B為羅仲謙誕下前世情人 「期待已久的禮物我捧在手中」

{{hket:inline-image name="1f039598-c26b-4d48-bd54-a3c5bb1a59ee.jpg"}}{{/hket:inline-image}}

(圖片：《晴報》林良明攝)

提到生產過程，謙仔表示入院前已安排好，過程非常順利，自己準備好全副「武裝」進入產房，就是帶備攝影機同攝錄機，而且親手剪臍帶，他笑言立即《On Call 36小時》的洋蔥上身：「我冇手震，護士問我得唔得，我話應該同拍戲差唔多卦。之後抱上手，BB身體上仲有體液喺度，嘩，即刻感覺到原來我個女咁溫柔。」

謙仔表示自己學習緊照顧BB，餵奶和換片等等都會幫忙，他笑笑口自爆今日開工遲到，事關望住個女不願意出門，他說：「依家佢變化好快，因為收水，每日都唔同樣，我每日都同佢影相，留低啲黑歷史嘛！」他表示太太楊怡有餵人奶，B女另外有飲奶粉雙管齊下，知道太太辛苦，當然有錫返太太，他說：「佢係我屋企嗰邊第一個孫，依家簡直係萬千寵愛在一身，個個都當佢係掌上明珠。(再追多個？)唔得咁快，休息吓先，醫生話最快都要半年至9個月之後。」

相關新聞：楊怡連環曬唯美孕照流露母愛 羅仲謙爆BB性別：老婆辛苦了

{{hket:inline-image name="94008466_2611140769128470_7609394860338442106_n.jpg"}}{{/hket:inline-image}}

(圖片：羅仲謙 IG）

{{hket:inline-image name="94420053_714728599267317_6321341709323099311_n.jpg"}}{{/hket:inline-image}}

(圖片：羅仲謙 IG）

謙仔表示由於疫情嚴重，BB的滿月或百日宴都未必鋪張去辦，自己的工作排滿到年底時間，而太太楊怡亦表示自己休養兩至三個月之後，待身體復元後都希望繼續拍戲。

責任編輯：楊安莉